Kāri Rākau Māori

Kua waihanga ētahi kāri rākau Māori hei tā. He rākau ka kitea i ngā hīkoitanga ngahere, i ā mātou rā whakatō rākau anō. Kua kohia ētahi kōrero mōhiohio mō ngā rākau nei hei whakakipakipa, hei akoranga hoki.

Ko te whāinga ia kia aro nui ā tātou tamariki ki te wao nui a Tāne me ana taonga katoa arā, ki ngā rākau, ki ngā manu, ki Te Aitanga Pepeke, ki Te Aitanga a Punga otirā, te pūnaha hauropi taiao ngahere. Hei reira tupu kaitiaki ai ā tātou tamariki ki ēnei taonga tuku iho ā, ka mārama ake ki ō tātou hononga.

He kōrero mō ētahi āhuatanga o ia rākau, mō ngā momo taiao me ētahi whakamahinga a ngā tūpuna i ēnei rākau.

Kua whakawhāiti mai ēnei mōhiohio i ngā tini rauemi ā tāngata, ā pukapuka, ā ipurangi me ngā tau mahi i roto i te taiao . Kua ngana nui kia tika ngā kōrero.

Mēnā he whakaaro kē ō koutou, he kōrero kua mahue rānei, tēnā whakapā mai. Pawhiria i konei hei ta i te pdf.