Wharewhare Rākau taketake o Aotearoa

Kua waihangatia te rauemi nei hei tākaro ā rōpū.  18 ngā papa WHAREWHARE rerekē hei tānga! Ka taea kia taki 2, kia taki 3 rānei ki ia rōpū (kotahi te papa takaro).  Kei raro iho nga tohutohu mo te kemu nei.  

He kāri mohiohio anō hei pānuitanga i te wā o te kēmu. 

Ka taea tēnei kēmu WHAREWHARE i tētahi hīkoitanga i te ngahere.  Mēnā ka peneitia, he pai kē atu kia karanga WHAREWHARE mō tētahi rarangi rākau rānei, mō ētahi rākau rānei ka kitea.  He tūponotanga ka kore e kitea ngā momo rākau katoa i te ngahere kotahi.  He wāhi tupu anō, he wā tupu anō mō tēnā rakau, mō tēnā rākau. He pai tonu kia mōhio mai e hia nei o aua rākau ka kitea!

Kei ngā whārangi tuatahi e 2 ngā pikitia tupu katoa hei whakamahinga anō mō ngā kāri, mō ngā whakaaturanga, mō te kēmu whakahoahoa me te aha atu. 

*Tirohia te rauemi Kāri Tupu Māori i konei.  

Pawhiria i konei hei ta i te pdf: pikitia/ mōhiohio

*Wharewhare ngā Manu o Aotearoa kei konei.  Tērā pea ka whakakirihoutia ngā papa WHAREWHARE Manu māori ki muri i ngā papa WHAREWHARE Tupu māori. 

Hangaia ngā kāri WHAREWHARE:

• Tāngia ngā whārangi 1-2 ki te pepa/kāri A3. Tapahia ia pikitia (kei ngā whārangi tuatahi e 2 ngā pikitia tupu katoa).

• Tāngia ngā  pepa mōhiohio  ki te pepa/kāri  A3. Tapahia ia pouaka kōrero meka. 

• Whakapiria ngā kōrero meka ki muri i te pikitia e hāngai ana.  Whakamahia te pepa mārō rānei, whakakirihoutia rānei. 

  Waihangatia ngā papa kēmu: 

• Tāngia me te whakakirihoutia ngā whārangi pikitia 18.  Mā konei 18 ngā papa kēmu hei whakamahinga. 

• Hei whakaaro: Me whai porotiti rānei, kōhatuhatu rānei hei uhi i ngā pikitia tupu ka karangahia. 

Me pēhea te tākaro:

1. Rau atu ngā kāri ki roto i tētahi ipu, ka ranua.

2. Ka whiria mā tētahi tangata rānei e tango, e karanga he aha te whakaahua, mā ia tangata rānei e tango e karanga he aha taua whakaahua. 

3. Tukuna he Papa kēmu whakaahua tupu ki ia kai tākaro (ki ia rōpū inā tākaro ā rōpū ai).

4. Kia tango i tētahi kāri, pānuitia ngā mōhiohio o muri kātahi ka whakaaturia te pikitia ki ngā kai tākaro.

5. Inā kei tētahi te pikitia ōrite i tana Papa kēmu, ka uhia ki tētahi porotiti/kōhatuhatu rānei.

6. Ko te kaitākaro tuatahi (rōpū rānei inā e tākaro ā rōpū nei) kia uhi i ana pikitia katoa ka karangahia WHAREWHARE! Ko ia/rātou te toa!

Nā Akuira Walker (Rangiwewehi, Rangitihi, Tūwharetoa, Maniapoto) i whakamāori. Nā Waikato Regional Council te pūtea tautoko. (He mea kohikohinga ētahi kupu i nga puna reo kē o te motu).